Poëziefestival Gelster 2023

TEMA wördt van t joar vriej loatn

Nöast gedichtn in t Neerlaands zee’w geerne ok wier gedichtn in t Neersassies

t Poëziefestein in t Achterhookse doarp Gelster is de afgeloopn joarn stöadig wieder greuid tut n gebuurn an wierskaantn n poal. Nich eankeld oet heel Nederlaand, mer ok oet et Neersasse sproakgedeelte van Duutslaand en oet Belgieje trök et leu dee’t metdöadn. Dizze poëziewedstriedn maakn deel oet van n projekt van de Stichting Dichtdorp Gelselaar, dat oetvleuit in n poëziefestival op zoaterdag den 14dn oktober (vastn dag: den tweedn zoaterdag van dizze moand). Den oavnd wördt in et Gelster kearkke de genomineerdn huldigd en kriegt de bestn van elke kategoriej ne pasnde pries.

Um de priesrichters genog tied en ruumte te doon slot de termien van inzeandn vuur dizze poëziewedstriedn op zaterdag den 5dn augustus.

Vuur beade kategoriejn wördt kundige priesrichters anzocht.

METDOON

Opzet en spölregels poëziewedstriedn met tema noar eegn kuur

Neerlaands of Neersassies

Elkeen mag metdoon an de poëziewedstriedn van de Stichting Dichtdorp Gelselaar.

  1. Hoogoet dree gedichtn per persoon könt inzöndn wördn.
  2. Gedichtn hebt in t Neerlaands of in een van de Neersasse variaantn schrevn te wean. Vertalingn van t weark van aandere dichters doo’w nich met.
  3. t Tema vuur dizze poëziewedstriedn is biej geleagnheed van t eerste lustrum vriej loatn.
  4. De oeterste längte van n gedicht is ditmoal bepoald op 14 regels. Meender mag ok.
  5. Gedichtn bint nich eerder publiseerd of in eegn beheer oetgövn, ok digitaal nich.
  6. Dree priesrichters kuurt de gedichtn zoonder tevuurtn te wetn wel ze schrevn hef. Per kategoriej bepoalt ze vukke tien gedichtn nomineerd wördt.
  7. De naams van de genomineerdn wördt publiseerd op dizze webstie. Dizze dichters wördt persoonlik neugd vuur n oavnd van de priesoetreiking en um biej dizze geleagnheed zo möggelik eer gedicht vuur te dreagn. Doarnoa geft de priesrichters an wel/wee van de genomineerdn de deerde, tweede en eerste pries toobedeeld krig. n Winner krig nen pennink den duur beeldhöawer Anton ter Braak maakt is.
  8. Gedichtn vuur dizze poëziewedstriedn hebt vuur 24.00 uur op 5 augustus 2023 biej de organizatie binn te wean.
  9. Opsteurn kan duur n e-postbericht te steurn noar dichtdorp@gmail.com. Leaver de gedichtn an in n word-dokumeant en doot dizze der as biejloag biej et e-postbericht an too. Neumt in t bericht dudelik oew naam, geboortedoatum, adres en tillefoonnommer en de titels van de biejloag(n). Den in t Neersassies metdöt, hef der ok biej te zetn in watvunne sproak (regio/proveensie) den tekst schrevn is.
  10. Genomineerde gedichtn könt op wördn nömn in persberichtn, publiseerd op dizze webstie en möggelik oet wördn gövn in nen beundel. Insteurn van n gedicht vuur dizze poëziewedstriedn höld in da’j oe hiermet inverstoat. Wieders behoal iej de rechtn oaver oew weark.
  11. Doatum vuurdrachtn: zoaterdagoavnd den 14dn oktober, in de Gelster keark.
  12. Metdoon is vuur niks.
  13. Oavere tookenning kan nich disseld wördn.